Waxay ahayd habeenimo fiid ah oo ay goor sheegto ku beegnayd 7:30 pm markii aanu ka baxnay Burco baabuurkaasi oo ay lahayd shirkada Alxarbi oo ahaa nooca xamuulka qaada, xiligaas jawigu wuxu ahaa mid aad u degan una qabow badan waxaanu halkaas ka bilownay socdaal dheer oo aanu ku marnay wada u dhaxaysa labada jiidood ee isku Snaag iyo Togdheer, abooro 12kii habeenimo ayey ahayd markii aanu gaadhnay Oog halkaasi oo aanu kusoo afjarnay 5 saacadood oo uu gaadhigu marayey Wadada laamiga ah soo na dhex jibaaxnay tuulooyin badan oo wada lahaa Istabo uu baabuurku ku hakanayey oo lacag cashuur ah laga qaadayye,  islamarkaana waxaanu u baydhnay wadada Rafka taasi oo si toos ah noo geynaysa Ceerigaabo inkastoo aanu xiligaasi sii marnay magaalooyin ay kamid ahaayeen Badweyn, Gowsaweyne,kuwaasi oo aanu marnay xili habeenimo ah waxaanu gaadhnay waaberigii oo ku beegnayd afartii subaxnimo  Banka caanka ah ee Bancade kaasi oo aanu seexanay mudo labo saacadood ah kadib waxaanu si toos ah u bilownay socdaalkayagii waxaanuna ukala marnay tuulooyinkaasi sidatan:

Tuulada Sincaro:

Waa tuulo yar oo ku talo bananka labada ah ee Bacnade iyo Karamaan Dhexdoooda halkaasi oo aanu ka quraacanay barqadii waxay tuulo labo sakadood ah waxaanu ka quraacanay Maqaaxi Islaani haysatay taasi oo ay na dhexmarta sheeko intii aanu ku guda jirnay Quraacda waxaan weydiiyey oo aanu ku idhi Hooyo Ma somaliland baa halkani mise aa pudland? Markaasay tidhi Hooyo anagu waxaanu nahay reer Somaliland laakiin Dawlada Somaliland meel ay maraysaba ee anagaa sheegana, markaasay ku dartay Hooyo adigu ma waxaad tahay kuwii dadka waali jiray ee Gaalada ahaa (haayadaha) ? Mayee waxaanu nahay Hormoodkii Saxaafada Somaliland Wargeyska Geeska Afrika iyo Website la yidhaahdo

www.golisnews.com haddii aan ku tusanay waa kan nuqul kamid ah wargeyska Geeska Afrika ee waad akhrisan kartaa intii u dhiibay hal cadad oo wargeyska ah, kadib waxan ku idhi Hooyo waxaad ka warantaa Ganacsiga iyo hawlaha Tuuladan? markaasay tidhi waxaanu galaabta iyo safarada u doonanaa Boosaaso oo iminka waxaan ka sukeeyey labo cisho alaabaan kasoo iibsaday, markaa maalin dhaweyd baanu aragnayba Wasiirki Ciidamada Somaliland oo halkan marayaa markaas ayaaban is idhi war somaliland waa wax jira malaha, waxaaban ka yaabay sidii u gaashaanaa wasiirkaasi. sheekadaas gaaban kadib quraacdii ayaan dhamaysanay waxaanuna halkaasi kasii anba qaadnay socdaalkayagii mudo lix saac ayaanu ku guda jirnay bananka la yidhaahdo Bancade iyo Karamaan.

Waa Degmo kamid ah Gobolka Sanaag, waxay ahayd markii u horeysay ee aan arko inkastoo aan hore u maqli jiray hadana sidaan u haystay iyo siday noqotay waa kala duwanayd waxaan moodayey tuulo uun balse waxaanu tagnay magaalo weyn oo aan ku qiyaasay inay isleegyihiin Sheekh, halkaasi oo aanu ku tukanay salaaadii Duhur waanu ka qaadaynay,inkastoo aan daydayey  Gudoomiyaha Degmadaasi hadana kumaan guulaysan inaan helo Maayarka waxaan waraysatay Dadweynaha Degmada waxay u kaakeeyeen dad iska ganacsada iyagoo iigu sheegay ganacsiga u weyn ee ay ddegmadu isticmaashaa inay tahay Iibka Xoolaha Nool iyo wixiila halmaala waxaana laga isticmaala dhamaan deegaamadani lacagtii hore ee soomaaliya iyadoo kaliya la isticmaalo kunnka iyo shanta boqol oo kaliya xiligani waa xili barwaqo ah, waxaa iska durdur ah caanaha oo lagu cabayaa qiimo jaban Guud ahaan degmadu way qurux badan tahay waana mid aad u degan dadka waxay wada aaminsanyihiin Qadayida Somaliland inkastoo aanu jirin Maamul Dawli ah oo si sax ah u hawlgala sid ay ii sheegeen qaar kamid ah Dadweynaha reer Ceelafweyn.

Intaasi kadib waxaanu sii anba qaadnay abaaro sedexdii galabnimo ee isniintii socdaalkayagii waxaanuna sii marnay Tuulada God Caanood halkaasi oo sida ka muuqatay ah meel aad u caano badan waxaanu ka cabnay Caano waxayna in yar u jirtaa Ceerigaabo oo waa Tuulada ugu xigta Magaalada.



Dayaca Wadooyinka iyo Fidin la'aanta maamulka Dawlada:

Deegaamadaas aanu marnay waxay ahayd mid aad ay uga muuqato dayac dhinaca Xukuumada Somaliland iyadoo ay dadweynuhu aad u aaminsanyihiin qadiyada Somaliland balse ay waayeen Xukuumadii u shaqeyn lahayd ee gaadhi lahayd, taasi oo ay u raacday Wado xumo ka jirta deegaankas oo aanu gaadhiguba dhaqaaqi karayn iyadoo ay jirtay haayada Wadooyinka Somaliland ee lacagta iska qaadatay maadaama foosta kasta u dulsaarantahay lacag adagi hadana arki maysid iyadoo wax mashaariic wadooyinka ah fulinaysa iyadoo ay arintaasi Haayadaha Dalka kala mid tahay.

Dhinaca Kale waxaad arkaysaa Kantaroolo ay taalo bir yar iyo maro isku xidhan oo geed usoo fadhiyaan sedex askari ama labo askari oo aad u darxumaysan taasi oo aanay Xukuumadu marna mudadaas ay soo jirtay u hawlgalin fidinta Maamulka Dawliga ah iyo Gaadhsiinta Lacagta Dalka oo dhan taaisna ay tahay karti darada Xukuumada Daahir Riyaale Kaahin, ugudanbeyntii waxaanu safarkyagii kusoo afjarnay Ceerigaabo oo aanu kusoconay soona galnay waqti habeenimo ah, warbixin balaadhan ayaanu ku eegi doonaa Xaaladaha Magaalada marka aan waxka fahmo.

Cabdikariim Siciid Saalax
Ceerigaabo Golis NEws
+2525778187
suldaan14@yahoo.com