Waxbarashada:- 

 Magaalada Burco aad ayey ugu fiicantahay waxbarashada marka loo eego dagaaladii iyo qalaasihii ay kaga danbaysay dalka intisa kale waxaana ku yaala dugsiyo ilaa 86 dugsi oo isugu jira Hoose, dhexe iyo afar dugsi oo ah kuwa sare iyo hal jaamacad oo ah University Of Burco.

Dadweynaha reer Burco waxaad moodaa inay aad wax u bartaan oo ay waxbarashada wadaan guud ahaan marka aad eegto qiyaasta dadka wax barta waxaan odhan karnaa waa ilaa 60% oo u badan dhallinyaro.
Siciid Axmed Raage waxa uu maamule ka yahay Dugsiga Hoose dhexe IFTIN isagoo sharaxad ka bixinaya siday Ubadka wax ugu dhigaan waxa uu yidhi " Dugsigan aad soo booqato waxa kamid yahay Dugsiyada gaarka lo leeyahay waa dugsi hoose dhexe Manhajka waxaanu ka hoose ku bixinayaa Carabi halka aanu ka dhexe ku siino manhajka Ingiriisi, waxaanu ardayda kusoo ururinaa basas u shaqeeya iskuulka dhamaan xafaadaha magaalada ayaan ka soo ururinaa waxaana dhigtaa arday ka badan ilaa 300 arday" Kaasi waxa uu ahaa Maamulka Dugsiga Hoose dhexe ee IFTIN.
Burco aad ayey u wanaagsantahay waxbarashada balse waxa siweyn loo eedeynayaa wasaarada waxbarasahada oo dadka markaad weydiiso Waxbarasahda gaarka ah iyo Xukuumada tee baa fiican waxa qiraal ah inay tan gaarka ahi aad uga horeyso ta kale.

Marka aad eegto ila dhaqaalaha magaaladu ay leedahay ee la isla yaqaanay waxay ahayd Burco oo ahayd Saylada ugu weyn Somaliland ee iibka xoolaha taasina haatan waxa u laaban albaabada tan iyo xiligii la joojiyey Dhoofkii xoolihii la geyn jiray wada gacanka carbeed, Haatan dhamaan dalku waa kasoo kabtay dhaqaalihii ishaa kaliya ahaa ee xoolaha nool, Burco  sido kale way kasoo kabatay oo aad ayuu isaga socda ganacsi aan xadlahayn hadaba markaad eegto xidhiidhada ganacsi ee ay burco la leedahay aduunka waxay siweyn ugu xidhantahay oo dhaqdhaqaaqeed alacageed laga xukumay suuqyada magaalada muqdisho taasoo sabab ay u tahay lacagta giinbaarta ah ee ka dhaxayso iyaga iyo dalkii hore la isugu odhan jiray soomaaliya oo aad u ragaadisay dhaqaalaha Gobolka guud ahaan gaar ahaan magaalada Burco.
Xiligii Madaxweyn Cigaal ee uu dalka u qeybinayey lacagta Somaliland Burco way diiday waxaanay ku sababeeyeen in la isku dhacayey lacagtaas oo ay ku tilmaameen in lagu darsanayey mid kasta hal zero oo jeebkaaga ah, Haddaba marka aad arintaas waxka weydiiso waxay tilmaameen inay reer burco ku saxsanaayeen diiditaanka balse haatan ayey u oomanyihiin wax ka bedela lacagtaas oo aanay jirin dawlad usoo jeeda dhinacooda ama arimahaas waxka qabanaysa  maadaama wax ka qabashada lacagtaas balamo badan ay u qaaday Xukuumada Somaliland haddana wax ka socday aanay jirin ayey dadweynaha ku dhaqan burco ak muujiyeen walaac aad u weyn aafada ay ku hayso lacagtani waxa jirta in 100 & 50 shiling ee lacagtan kaliya laga isticmaalo jiida u dhaxaysa Burco ilaa Ceel afweyn oo ah degmo ka tirsan Gobolka Sanaag, habayaratee lagama isticmaalo dalkii hore la isugu odhan jiray soomaaliya waxay ku dhex wareegtaa ilaa burco ilaa ceel afweyn taasina waa aafo kale oo aad ula degtay dhaqaalaha gobolkan Togdheer.
dhinaca kale ganacsigu waa kala dabaqado duwan yahay waana m id markasta socda haday noqoto ganacsiga shirkadaha waaweyn kan dadka caadiga ah waa mid furan oo socda waqti kasta, isku soo wada duub oo burco dhaqaalaha guud ahaan gobolka Togdheer wa mid aad u liita o ay ragaadisay lacagta giinbaarta oo lagu qiyaasay inay gaadhayso ilaa 250 kun US dolers ah.

 Mashaariicda Horumarinta Gobolka iyo Dhismaha:-

 Guud ahaan hgobolka Waxa ka socda mashariic badan oo horumarineed oo uu kow ka yahay  mashruuca biriishka labaad ee Burco  oo haatan ay bilaabantay qeybtiisii u dambeeyey kadib markii uu u xayirnaa muddo.
Mashruuca labaad ee haatan ka socda Burco waa warshada labaad ee soo saari doonta saabuunta budada ah iyo ta adag oo magaceeda la yidhaado warshada saabuunta ee BAIL oo ay leedahay shirkada Ganacsiga Indhadeero lana bilaabay xiligii uu noolaa Guddoomiyihii shirkadaasi Alle ha u naxariistee Cabdi Cawad Cali Indhadeero, kadib markii aan booqdey xarunta warshadaas dhawaanw waxaan kula soo kulmay niman jayniis ah oo si weyn u shaqeyn oo aan hadlayn ba waxaanay wadeen shaqo ad u adag oo weli may dhamaystirin balse sida uu ii sheegay Enginerka Warshada sameynaya waxay furmaysaa bishan sagaalaad gudaheeda.
waxa iyaguna ka hawlgala magaalada warshado badan sida warshada hargaha ta saabuunta iyo qaar kale.
Dhismayaasha magaaladu waa qaar socda markasta oo ay siweyn u kordhayaan saacad ba saacada ka danbaysa wax ayaa kuso kordhaya waxa magalada ku arkay Misaajid weyn oo uu dhistay shirkada indhadeero o aan weli lagu bilaabin salaadii oo sida ay wadaado ii sheegeen dhawaan la furi doonaa waana nooca lo yaqaano masjidu jaamica, ugudanbeyn  magaalada horuymarkeeda iyo koriinkeedu waa mid aad u sareeya waxaanay siweyn uga dhisantay xaafada la yidhaahdo Ogtober iyadoo ay magaalada kusoo kordheen xaafado badan oo ay kamid yihiin London, Germany iyo kuwa kale dadka reer burco mar aan wax ka weydiiyey sababta magacyadan logu bixiyey waxay ii sheegeen in laga soo bixiyey magaalooyinka logu magacdaray.

 Waxa si weyn dhibaato ugu haya magaalada Burco dhalinayradii oo si weyn uga tahriibay oo aad uga baxay magaalada Burco oo markasta la soo sheegayo raxan dhallinyaro ah oo gaadhay dalka liibiya oo ah dariiq looga sii gudbo qaaradda Yurub.
Sida kale dhallinayradu waxa ay ka tahriibayaan oo ay ka baxayaan waa dhibaatooyin la soo darsay una baahan wax ka qabasho weyn in laga sameeyo.

 

Cabdikariim Siciid Saalax

Weriyaha Golis ee Berbera

Cell Phone : +25224441209