Markaasi oo kale lalama doodo, lalama dagaalamo lalama murmo ee kursiga ayuunba laga hoos qaada markay usoo dhawaadaan" ayuu yidhi Xuseen Cali Ducaale Wasiirka maaliyadda Somaliland. Ku Shubasho Mise Ka Xoogid Waa Midkee Hadalka Wasiirku.
Waxase aan shaki ku jirin in doorashada 26 June ay si weyn uga duwanaan doonto kuwa hore oo ina soo maray, marka ay noqoto nin laga helay oo tagi waayey iyo nin helay oo looga tagi waayey,
Wasiirka Maaliyada ayaa ku tilmaamay hadal meel ka dhac iyo gafba ku ah hanaanka doorashooyinka ee dalka ka hirgalaya ee ololihisii bilaabay, wasiirku waxaa ku dooday in uu dagaal u gali doono gar iyo gardaraba leh in uu ka ilaaliyo kursiga xisbiga ay sida weyn isku hayaan ee Kulmiye, Wasiirku ma u sheegin aragti siyaasadeed oo ay ay kaga duwaan yihiin iyo dhab ahaan waxa ay yeeli doonaan hadii laga adkaado doorashada, balse waxaa uu durba furka ka tuuray shaki weyn oo maalmahan danbe isa soo taray oo ahaa in aan dalkan sida la filayo wax waliba u noqon kuwa ku dhamaada guul iyo in laysku hibeeyo Kursiga.
Waxaa wasiirku dibada soo dhigay qorshe hoose oo dhigaya in marka ay guushu foolka ku soo hayso kooxda ay is hayaan ay ayaar ka dhex qaadi doonaan, maxay noqon kartaa hadaba fasiirada hadalka wasiirku.
1: Ku shubasho cad oon geed loogu soo gaban oo la si qorsheyey in ay jirto
2: In ay jirto in la mustafeyn doono kooxaha Komishanka oo ay iyana ku dhawaaqi doonaan in guushu raacday xisbiga Udub
3: In Udub go'aan ku gaadhay gar iyo gar daraba in aanay kurisga ka kicin kuna dhaganaadaan wax kasta oo ay ku qaatana yeeli doonaan.
4: In Udub ay si weyn uga walaacsan tahay sida dadku ay uga heli lahayd taageero taasina ay hadalka wasiirka ka dhigayso mid dhab ahaan fahansan in aanu jirin wax weyn oo dadka codka bixinaya laga fishaa, marka aay uga doc wareegaan meel kale.
Waxaa ay noqon doontaa arintani mid fajaciso iyo yaab ku rida inta badan dad weyne faro badan oo isha ku haya hab u socodka doorashada iyo hadalada ay is dhaafsanayaan Siyaasintu wakhtiga doorashada oo wax kasta oo niyada iyo qalbigooda ku jirta dibada soo dhigaya, waxaana laga filayaa in ay siyaasintu u hogaansamaan najiitada doorashada kuna qancaan in dadku cida ay doortaan ay tahay cida saxda ah ee ay siiyeen kalsoonida shanta sano ee soo socda laguna ixtiraamo, yey se dhicin in laysku cariyo in hadii qolo guusha hesho in aanay sina u aqbali doonin qoloda kale taaso gaf iyo mee ka dhac ku noqon doonta hanaanka aynu cagta saarnay.
Waxase la filayaa in ay digniin iyo dardaar warinba u noqon doonta hadalka wasiirka kooxda u sida weyn u dhaliilay ee ku tilmaamay in ay yihiin kuwa dadka isku dilay oo qolo qolo u kala kaxeyey, taaso durba Ololaha doorashadu noqday mid ka baydhaya tubtii loo jeexayna noqonaya mid ololiyaha dhinbilaha colaada iyo xiqdiga ah oo kala kaxaynaya beelaha walaalaha ah, waxayna mar kale ina xasuusinaysaa in aan Siyaasiyiinta maantu wali ka korin dharabtii qabiilka iyo abaabulinta iyo kicinta fidno huraday. Waana nasiib daro kale oo ku habsatay Somaliland in aan siyaasintu shacbi weynaha ula shir iman wax weyn oo ay kaga duwan yihiin kuwa ay loolamayaan, siyaasado iyo qorshayaal siyaasadeed oo ay dalka ku hagaayaan, balse laynagu cariyo cabsi iyo dardaar warin.
Waxase aan shaki ku jirin in doorashada 26 June ay si weyn uga duwanaan doonto kuwa hore oo ina soo maray, marka ay noqoto nin laga helay oo tagi waayey iyo nin helay oo looga tagi waayey, halka ay ku danbayso waxa aynu sugi wakhtigeeda, balse isku qabsashada guusha doorashadu waa mid ifaafaleeheedii uu wasiirku si cad maanta u bayaamiyey isagoo taabtay in guushu marka ugu danbaysa ee codka laga soo dhamaado ay iman doonto in ay si fudud u sheegan doonaan in guushu raacday.
Waxase ku bas beeli doona dadka masaakiinta ah ee dacdaradu haystay ilaa iyo lixdan kii maantana mustaqbal madow cagta saaraya,iyagoo nasiib aan u yeelan hogaamiyaal wanwanaagsan oo noloshooda iyo ta ubadkooda dar yeela balse ku dul ciyaara dheel ay adagtahay in ay wax badan ka dheefaan oo aan dhib iyo rafaad ahayn, Waxaana la gudboon hogaamiye kasta oo siyaasi ah in dalkan uu fiiriyo wakhtiga adag ee ku jiro in uu tudho dadka uu matalayo hadiise taa la waayo qofna ku dhex xaragoon maayo nabada iyo wanaaga uu ku dhex haysto meesha uu joogo, hadii sharciga iyo kala danbayntu luntana waxaa ay wax ka soo gaadhayaan noqon maayo kuwa kiishadu u buuxdo kolba meeshii ay rabaana u dhoofi kara basle kuwa aan Kaashna haysan kuna kadeedan magaalooyinka iyo miyigaba ee ay gadhwadeenka u yihiin siyaasinta maanta sida weyn iskugu haya siyaasada dalka mucaraid iyo muxaafidba ha loo tudho dadka.
Daauud Gillingilll
