Maxkamad ku taal Magaalada Haarlem,waa magaalo madaxda gobolka waqooyiga-holland-e,ayaa dhawaan ku xukuntay ninka gudoomiyaha ka ah Xisbiga VVD,ee mucaaradka ah,ahna xisbi siyaasadiisu tahay mid ujanjeedha garabka midig,isla mar ahaantaana ah xisbi ay taageraan dadka maal-qabeenada ahi,oo magacaiisa la yidhaahdo Mark Rutt,inuu ku kacay fal Cunsiriyadaysan sanadkii 2003,oo uu ahaa Wasiirka Arimaha Bulshada ee dalka Holland.

 

Mr Marka Rutt oo ay dacwad nin Somali ahi uu dacwooday ay soo gashay,ayaa lagu xukumay inuu sanadkii 2003 ku kacay fal uu si cunsuriyadaysan gooni ugu takooray dadka Somaliga ah,isaga oo markaa(2003) dawladaha Hoose ee dalkan Holland ku amray inay dadka Somalida ah si gooni ah u baadhaan oo ugu fiirsadaan bal inay musuqayaan lacagta loo yaqaan Caydha ee dadka aan shaqada haysan lagu taakuleeyo,si ay jidiinka wax u mariyaan,tiiyoo beryahaana la qabtay dad Somali ah oo laba dal daaq ah,oo Holland-na ka qaata Caydha isla mar ahaantaana Ingiriskana ka shaqaysta ama ka qaataba caydh(lacag) kale,waa sida ay jariiradaha dalkan ka soo baxaa  qoreene.

 

 

Ninka Somaliga ah oo ay  goor dharaara ciidamada dharcada ah qaar ka mid ahi,ku qabteen meel wado ah,arimo tuhun awgood, inkasta oo aanu jaraa-idku si faahfaahsan uga hadal arintaasi,,lagana jaray caydhii(lacagtii),tirsadayna in lagu xadgudbay jiritaankiisa qof ahaaneed iyo tiisa qoomiyadeed ee Somalinimo,falalka xadgudubka ah oo Qareenkiisu u gudbiyay maxkamada.

 

Baadhitaankii arintasina oo dib ugu noqotay 2003 iyo ninkii markaa watay qorshahaa takoorka ah,ayaa ay maxkkamadu go-aan ka soo saartay lagu siiyay Garta ninka soomaliga ah iyo cabashadiisii ahayd in Somalida si gaar ah loogu xadgudbay oo goni loogu soocay.

 

Maxkamadu waxay u cusktay Go-aankeeda,in aanu Xeerka dalkan Holland u yaalaa,ogolaanayn in dad si gooni ah qoomiyad ah loogu sooco ama loogu takooro,taasina ay tahay ta hada lagu eedeeyay Wasiirkii hore ee wasaarada Bulshada,ka dib markii uu carabaabay in dadka Somaalida ah si Gooni ah loogu yaado yeesho.

 

Mr Rutt oo go-aankaa maxkamada shegay inaanu ku raacsanayn,ujeedadiisuna aanay xiligaa ahayn mid uu cid gooni ah ku cunsiriyadaynayo,ayse ahayd mid uu kula dagaalamayay wax is dhaa-dhaafinta iyo Musuqmaasuqa,imikana loo baahan yahay buu yidhi in xeerka la waafajiyo arimahaasi oo kale si loo xakameeyo Musuqa.

 

 

Ilaha warkani... Metro/dag iyo spits.

 

 

Cali Cumar Xasan.